На экспартныя біржавыя здзелкі прыпала 34 працэнты сукупнага тавараабароту Беларускай універсальнай таварнай біржы (БУТБ) у студзені-жніўні 2025 года. Асноўнымі рынкамі збыту айчынных тавараў на біржавых таргах у бягучым годзе з'яўляюцца Расія, Узбекістан, Кітай, Азербайджан і Польшча. сельскай гаспадаркі з удзельнай вагой 76%.

Такой статыстыкай падзяліўся намеснік начальніка ўпраўлення знешнеэканамічнай дзейнасці БУТБ Герман Пузырны падчас Міжнароднага форуму эканамічнага супрацоўніцтва, які адбыўся ў Мінску ў рамках святкавання 958-годдзя горада.

Паводле слоў прадстаўніка БУТБ, геаграфія біржавога гандлю рэгулярна пашыраецца і цяпер, апрача Беларусі, ахоплівае яшчэ 82 краіны свету.

«Толькі за гэты год у базе міжнародных кантактаў біржы з'явіліся 4 новыя краіны - Інданезія, Паўночная Карэя, М'янма і Сенегал. Такім чынам, зараз для ўдзелу ў біржавых таргах акрэдытаваны 8700 нерэзідэнтаў з 82 дзяржаў. Гэта сведчыць аб узросшай цікавасці замежнага бізнесу да беларускага біржавога рынку, а таксама аб запатрабаванасці айчыннай прадукцыі. Так, у параўнанні са студзенем-жніўнем мінулага года сума экспартных здзелак павялічылася на 36 працэнтаў у доларавым выражэнні. Гэтаму пасадзейнічала не толькі пашырэнне пула замежных пакупнікоў, але і актыўнае выкарыстанне біржавога механізму беларускімі вытворцамі такіх ліквідных тавараў, як мясамалочная прадукцыя, кармавыя дабаўкі, піламатэрыялы і льняное валакно», — распавёў Герман Пузырны.

Акрамя таго, прадстаўнік біржы адзначыў важную ролю брокераў у папулярызацыі беларускіх тавараў на сусветным рынку і папулярызацыі біржавога гандлю.

«На дадзены момант сетка акрэдытаваных на біржы налічвае 59 арганізацый у 11 краінах. Больш за палову з іх - рэзідэнты Рэспублікі Беларусь, а сярод нерэзідэнтаў больш за ўсё брокераў у Расіі, Узбекістане і Кітаі. Калі казаць аб укладзе брокераў у тавараабарот біржы, то ў гэтым годзе гэта каля 15% ад агульнай сумы здзелак », - адзначыў эксперт БУТБ.