У адпаведнасці з заканадаўствам Рэспублікі Беларусь Беларуская ўніверсальная таварная біржа з’яўляецца аператарам электроннай гандлёвай пляцоўкі па продажы дзяржаўнай маёмасці і маёмасных правоў (ЭГП «БУТБ-Маёмасць»).

Прадметам таргоў на ЭГП «БУТБ-Маёмасць» могуць выступаць будынкі, збудаванні, машыны, транспартныя сродкі, абсталяванне, зямельныя ўчасткі, правы заключэння дамоваў арэнды і інш. Пры гэтым магчыма рэалізацыя як дзяржаўнай маёмасці, так і маёмасці, якая знаходзіцца ў прыватнай уласнасці. Набыць маёмасць могуць рэзідэнты і нерэзідэнты Рэспублікі Беларусь.

Для ўдзелу у таргах неабходна:

• азнаёміцца з Рэгламентам арганізацыі і правядзення электронных таргоў па продажы маёмасці і маёмасных правоў на ЭГП «БУТБ-Маёмасць», размешчаным на сайце www.et.butb.by у раздзеле «Прававая інфармацыя / Нарматыўныя дакументы біржы»;
• прайсці акрэдытацыю ЭГП «БУТБ-Маёмасць»;
• унесці задатак;
• падаць заяву на ўдзел у электронных таргах з неабходнымі дакументамі.

Больш падрабязна - на сайце www.et.butb.by