З мэтай актывізацыі біржавога гандлю Рэспублікі Беларусь з дзяржавамі Паўднёвай Азіі Беларуская ўніверсальная таварная біржа (БУТБ) прапрацоўвае пытанне акрэдытацыі біржавога брокера у адной з краін дадзенага рэгіёна. У першую чаргу разглядаецца Індыяяк найбуйнейшы і найбольш перспектыўны рынак для развіцця супрацоўніцтва ў біржавой сферы.

Аб гэтым ішла размова падчас анлайн-перагавораў паміж прадстаўнікамі БУТБ і прэзідэнтам Індыйскай палаты міжнароднага бізнесу (IndianChamberof InternationalBusiness, ICIB) Манпрытам Сінгхам, які выказаў зацікаўленасць ва ўстанаўленні партнёрскіх адносін з беларускай біржавой пляцоўкай. Пры гэтым, на думку індыйскага бізнесмена, працуючы ў статусе брокера, ICIB зможа не толькі прыцягнуць на БУТБ новых удзельнікаў таргоў з Індыі, але і спрасціць дзейнасць ужо акрэдытаваных на біржы індыйскіх кампаній .

«На рынку Рэспублікі Беларусь мы прысутнічаем больш за 10 гадоў, аказваючы садзейнічанне прадстаўнікам беларускага і індыйскага бізнэсу ў пошуку дзелавых партнёраў і арганізацыі ўзаемнага гандлю. Акрамя таго, мы бярэм на сябе пытанні лагістыкі і дастаўкі тавараў, што, на мой погляд, з'яўляецца несумнеўным плюсам, у тым ліку для індыйскіх кампаній, якія ўжо ўдзельнічаюць у біржавых таргах і заключаюць здзелкі. Гэта значыць, як бачыце, у пэўнай ступені мы ўжо выконваем функцыі біржавога брокера і гатовы наладзіць узаемадзеянне з біржай у такім фармаце», – адзначыў прэзідэнт ICIB .

Са свайго боку начальнік упраўлення знешнеэканамічнай дзейнасці БУТБ Аляксандр Башлій падкрэсліў значнасць індыйскага рынку як аднаго са стратэгічных напрамкаў біржавога экспарту і выказаў упэўненасць у тым, што аб'яднанне намаганняў з ICIB дазволіць вывесці беларуска-індыйскі біржавы гандаль на больш высокі ўзровень.

«На сённяшні дзень у нас акрэдытаваны толькі 4 індыйскія кампаніі, а аб'ём здзелак па выніках 11 месяцаў склаў 1,6 млн USD< /span>. Прычым усю гэтую суму забяспечыў экспарт беларускіх піламатэрыялаў. Адпаведна, патэнцыял для пашырэння кола ўдзельнікаў таргоў і росту тавараабароту каласальны. Упэўнены, што пры падтрымцы брокерскай арганізацыі, якая мае досвед працы і ў Беларусі, і ў Індыі, мы зможам дамагчыся значна больш высокіх вынікаў», - лічыць прадстаўнік БУТБ.