Пастаўкі прадукцыі чорнай металургіі ў Рэспубліку Беларусь праз біржавую пляцоўку сталі галоўнай тэмай перагавораў прадстаўнікоў Беларускай універсальнай таварнай біржы (БУТБ) з дзелавымі коламі Рэспублікі Татарстан. Мерапрыемства адбылося 22 лютага 2022 г. на базе Беларускай гандлёва-прамысловай палаты.

У прыватнасці, зацікаўленасць у рэалізацыі сваёй прадукцыі на біржавых таргах выказалі дзве буйныя татарстанскія металургічныя кампаніі, якія спецыялізуюцца на вытворчасці стальных труб, дэталей трубаправодаў, а таксама металаканструкцый і вырабаў з чорных металаў, якія выкарыстоўваюцца ў будаўнічай галіне. У выпадку акрэдытацыі гэтых кампаній на біржы беларускія прадпрыемствы атрымаюць дадатковую магчымасць закупляць патрэбныя ім металавырабы непасрэдна ў заводаў-вытворцаў.

Як адзначылі ў прэс-службе БУТБ, чорны металапракат карыстаецца стабільна высокім попытам на біржавых таргах, забяспечваючы каля 80% ад агульнага аб'ёму біржавых продажаў металапрадукцыі. Паколькі краінай паходжання большай часткі імпартуемага ў Беларусь металу выступае Расійская Федэрацыя, прыцягненне на біржу расійскіх металавытворцаў з'яўляецца задачай першараднага значэння.

«У 2021 годзе беларускія прадпрыемствы і арганізацыі набылі праз біржу больш за 389 тысяч тон чорных металаў і вырабаў з іх на агульную суму 1,6 мільярда рублёў. У бягучым годзе, нягледзячы на пастаяннае зніжэнне металаёмістасці вытворчасці, істотных змяненняў у дынаміцы попыту пакуль не назіраецца. Сталёвы пракат па-ранейшаму ўтрымлівае лідэрства ў структуры здзелак. Пры гэтым на фоне падаражання расійскага металу асноўная ўвага цяпер удзяляецца павышэнню канцэнтрацыі прапановы самых запатрабаваных відаў металапрадукцыі з мэтай скарачэння затрат беларускіх удзельнікаў таргоў. У сувязі з гэтым прыход на біржу вытворцаў труб і металаканструкцый з Татарстана, безумоўна, станоўча адаб'ецца на цэнавай кан'юнктуры і дасць магчымасць купляць гэту прадукцыю на больш выгадных умовах», – падкрэслілі ў прэс-службе біржы.