16 лютага 2022 г. у цэнтральным офісе Беларускай універсальнай таварнай біржы (БУТБ) адбылася сустрэча са старшынёй Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве, членам Канстытуцыйнай камісіі Сяргеем Сіўцом.

Мерапрыемства, якое сабрала ў адной зале практычна ўвесь калектыў БУТБ, было прысвечана пытанню ўнясення змяненняў і дапаўненняў у Канстытуцыю Рэспублікі Беларусь, вынесенаму на рэспубліканскі рэферэндум 27 лютага 2022 г. 

У ходзе выступлення Сяргей Сівец растлумачыў, чаму менавіта цяпер узнікла неабходнасць актуалізацыі Асноўнага закона краіны, расказаў аб тым, як распрацоўваўся праект абноўленай Канстытуцыі, і пракаментаваў важнейшыя з прапанаваных змяненняў і дапаўненняў. 

Другая частка мерапрыемства прайшла ў фармаце дыялогу, у рамках якога супрацоўнікі БУТБ мелі магчымасць задаць важныя для ніх пытанні і атрымаць прадметныя і разгорнутыя адказы «з першых вуснаў», паколькі Сяргей Сівец у якасці члена Канстытуцыйнай камісіі прымаў непасрэдны ўдзел у падрыхтоўцы новай рэдакцыі Канстытуцыі Рэспублікі Беларусь.