15 верасня 2022 г. у рамках міжнароднай спецыялізаванай выставы «Лесдрэўтэх-2022» адбыўся семінар Беларускай універсальнай таварнай біржы (БУТБ), прысвечаны практычным пытанням ажыццяўлення дзяржаўных закупак і закупак за кошт уласных сродкаў на электронных гандлёвых пляцоўках БУТБ.

У сваіх выступленнях спецыялісты біржы пастараліся ахапіць усё кола пытанняў, якія датычацца арганізацыі і правядзення закупачных працэдур на ЭГП zakupki.butb.by і ў секцыі прамысловых і спажывецкіх тавараў БУТБ, дзе з 27 мая бягучага года даступны сэрвіс імпартазамяшчэння, з дапамогай якога можна аператыўна набываць і рэалізоўваць шырокую наменклатуру імпартазамяшчальнай прадукцыі.

Характэрна, што ЭГП, якія дзейнічаюць на біржы, вельмі запатрабаваныя ў прадпрыемстваў лясной галіны, якія рэалізуюць праз БУТБ круглыя лесаматэрыялы, пілапрадукцыю, паліўныя гранулы, пасадачны матэрыял, а таксама набываюць лесагаспадарчыя паслугі. У прыватнасці, біржавой пляцоўкай імпартазамяшчэння актыўна карыстаюцца беларускія лясгасы, закрываючы свае патрэбнасці ў лесанарыхтоўчай тэхніцы, транспартных сродках, запчастках і камплектуючых.

Такім чынам, звяртаючыся на біржу, суб'екты гаспадарання атрымліваюць комплексную паслугу, якая дае магчымасць закупляць неабходныя тавары ў любым аб'ёме з прымяненнем усіх прадугледжаных заканадаўствам працэдур, прычым як за бюджэтныя, так і за ўласныя сродкі.