БУТБ абнавіла электронную пляцоўку па рэалізацыі маёмасці і маёмасных правоў

Беларуская універсальная таварная біржа (БУТБ) укараніла новы карыстацкі інтэрфейс на электроннай гандлёвай пляцоўцы па рэалізацыі маёмасці і маёмасных правоў «БУТБ-Маёмасць». У прыватнасці, поўнасцю змяніўся знешні выгляд галоўнай старонкі ЭТП, перапрацаваны элементы меню, палепшаны рух і спрошчаны пошук па лотах. Чакаецца, што абнаўленне пляцоўкі зробіць узаемадзеянне з пляцоўкай больш зручным і інтуітыўна зразумелым, а таксама пасадзейнічае прыцягненню новых арганізатараў і ўдзельнікаў электронных таргоў.

«Дызайн пляцоўкі не мяняўся з моманту яе запуску ў 2016 г. Зразумела, за гэты час ён ужо маральна састарэў і меў патрэбу ў абнаўленні. Тым не менш галоўная мэта дапрацоўкі — не паляпшэнне эстэтычнага ўспрымання пляцоўкі, хоць гэта таксама станоўча адбіваецца на карыстацкім вопыце, а павышэнне яе эксплуатацыйных характарыстык. У прыватнасці, зараз інфармацыя аб актуальных лотах стала даступная на галоўнай старонцы ЭГП і пры жаданні любы лот можна ў адзін клік дадаць у заяву на ўдзел у таргах. Акрамя таго, дзякуючы сістэме фільтраў з’явілася магчымасць хутка скласці „шорт-ліст“ найболей цікавых лотаў, зыходзячы з важных для карыстача параметраў. Напрыклад, калі вы хочаце набыць зямельны ўчастак у Пухавіцкім раёне Мінскай вобласці або будынак дзіцячага сада ў Баранавічах, падбор прыдатных варыянтаў зойме ўсяго некалькі секунд. Таму спадзяемся, што абнаўленне ЭГП „БУТБ-Маёмасць“ будзе пазітыўна ўспрынята карыстальнікамі і дазволіць значна больш эфектыўна вырашаць іх задачы», — пракаментавалі ў прэс-службе БУТБ.

Версія для друку