Беларуская ўніверсальная таварная біржа (БУТБ) і Цэнтр імпарту і імпартазамяшчэння (ЦІІЗ) Ніжагародскай вобласці Расійскай Федэрацыі падпісалі пагадненне аб супрацоўніцтве. У дакуменце вызначаны асноўныя напрамкі ўзаемадзеяння БУТБ і ЦІІЗ, мэты, якія плануецца дасягнуць шляхам аб'яднання намаганняў бакоў, а таксама пералік сумесных мерапрыемстваў у сферы электроннага біржавога гандлю і імпартазамяшчэння.

Пры гэтым, паводле слоў кіраўніка ЦІІЗ Аляксея Курбанаева, асаблівая ўвага будзе ўдзяляцца ўмацаванню кааперацыйных сувязей паміж суб'ектамі малога і сярэдняга прадпрымальніцтва Ніжагародскай вобласці і Рэспублікі Беларусь, што дасць магчымасць не толькі павысіць уцягнутасць ніжагародскага і беларускага бізнесу ў вырашэнне пытанняў імпартазамяшчэння, але і пасадзейнічае павелічэнню аб'ёмаў узаемнага гандлю. 

«Мэты нашага Цэнтра і беларускай біржы шмат у чым супадаюць. Мы таксама імкнемся прапанаваць бізнэсу эфектыўныя лічбавыя рашэнні, якія дапамогуць знайсці новыя кропкі росту, пашырыць сетку дзелавых партнёраў і звесці да мінімуму негатыўныя наступствы санкцыйнага ціску. Можна сказаць, што ЦІІЗ і БУТБ ідэальна дапаўняюць адзін аднаго. У прыватнасьці, у нас ёсьць глыбокае разуменьне расейскага рынку, мы ведаем, што трэба нашым прадпрымальнікам, якія імпартныя тавары карыстаюцца найбольшым попытам і якія нішы мэтазгодна заняць беларускім вытворцам. У сваю чаргу біржа – гэта, па сутнасці, прамы канал сувязі паміж беларускімі і ніжагародскімі кампаніямі, прычым у адрозненне ад большасці B2B-пляцовак тут кантралюецца выкананне кожнай здзелкі, і ўдзельнік таргоў ніколі не застаецца сам-насам са сваімі праблемамі. Што датычыцца падпісанага намі пагаднення аб супрацоўніцтве, то гэта рамачны дакумент, які трэба будзе напоўніць канкрэтнымі мерапрыемствамі практычнага характару. Менавіта гэтым мы і маем намер заняцца ў самы бліжэйшы час», – падкрэсліў Аляксей Курбанаеў.