Па выніках аўдыту, праведзенага міжнародным органам па сертыфікацыі TUV Thuringen (Германія), сістэмы менеджменту якасці і інфармацыйнай бяспекі, укаранёныя на Беларускай універсальнай таварнай біржы (БУТБ), атрымалі сертыфікаты адпаведнасці стандартам ISO 9001 і 27001.

Спецыялісты TUV Thuringen адзначылі высокі ўзровень арганізацыі ўнутраных бізнес-працэсаў і значныя намаганні, прыкладзеныя біржай для рэалізацыі палітыкі кліентаарынтаванасці і забеспячэння належнай якасці аказваемых паслуг. Пры гэтым асобная ўвага нададзена працы, праведзенай БУТБ з мэтай пабудовы комплекснай сістэмы абароны дадзеных і канфідэнцыйнай інфармацыі.

«БУТБ стала адной з нямногіх арганізацый у Рэспубліцы Беларусь, чыя сістэма менеджменту інфармацыйнай бяспекі сертыфікавана па стандарце ISO 27001. У асноўным гэта буйныя крэдытна-фінансавыя ўстановы і IT-карпарацыі. Працэдура атрымання сертыфіката ISO 27001 лічыцца адной з самых складаных, таму да цяперашняга часу сертыфікат TUV быў толькі ў 11 беларускіх кампаній», – заявілі прадстаўнікі TUV Thuringen.

Акрамя ўмацавання станоўчага іміджу і дзелавой рэпутацыі, наяўнасць сертыфікатаў адпаведнасці ISO дазволіць БУТБ больш эфектыўна прыцягваць на біржавую пляцоўку кампаніі з-за мяжы.

«Адпаведнасць стандартам ISO у сферы менеджменту якасці і інфармацыйнай бяспекі павысіць прывабнасць біржавых таргоў для прадстаўнікоў бізнесу. У першую чаргу гэта тычыцца замежных кампаній, бо выхад на новы рынак звычайна звязаны з пэўнымі рызыкамі. Таму наяўнасць у біржы сертыфіката ISO паслужыць дадатковым стымулам для прымянення біржавога механізму як бяспечнага і надзейнага спосабу ўзаемадзеяння з беларускімі партнёрамі», – паведамілі ў прэс-службе БУТБ.

Даведачна.

ISO 9001: 2015 – міжнародны стандарт, які ўстанаўлівае патрабаванні да сістэмы менеджменту якасці арганізацыі. Атрыманне сертыфіката адпаведнасці гэтаму стандарту пацвярджае, што дзейнасць арганізацыі адпавядае патрабаванням заканадаўства і задавальняе патрэбам і чаканням кліентаў.

ISO 27001: 2013 – адзін з самых вядомых стандартаў у сферы кіравання інфармацыйнай бяспекай, накіраваны на забеспячэнне сістэмнага падыходу да абароны прыватнасці і цэласнасці дадзеных у арганізацыі.

Нямецкае грамадства тэхнічнага нагляду TUV Thuringen e.V. – сусветна вядомая міжнародная кампанія, якая аказвае паслугі па пытаннях бяспекі і якасці. Сертыфікаты TUV International Certification прызнаюцца ў Еўропе, Японіі, ЗША, Канадзе, Аўстраліі, Новай Зеландыі, Кітаі і інш.