Пра гэта заявіў старшыня праўлення Беларускай універсальнай таварнай біржы (БУТБ) Аляксандр Асмалоўскі ў ходзе панэльнай дыскусіі «Беларусь-Расія: інтэграцыя і новыя гарызонты вытворчай кааперацыі і імпартазамяшчэння», арганізаванай 28 верасня 2021 г. у рамках Беларускага прамыслова-інавацыйнага форуму.

«Па выніках студзеня-жніўня бягучага года біржавы тавараабарот Беларусі і Расіі вырас у паўтара раза і дасягнуў 375 USD. Гэта больш, чым з якой-небудзь іншай з 68 краін, прадстаўленых на нашай пляцоўцы. У структуры імпартных здзелак пераважалі чорныя і каляровыя металы, вугаль, кокс і кабельная прадукцыя, у той час як на экспарт пастаўляліся беларускія будматэрыялы, малочная прадукцыя, рапсавы алей і скура «вет-блю». Пры гэтым Расійская Федэрацыя таксама займае першае месца па колькасці акрэдытаваных кампаній-нерэзідэнтаў. Цяпер у нас працуюць больш за 2,6 тыс. расійскіх удзельнікаў. Гэта больш за палову ўсіх замежных кліентаў біржы. На мой погляд, гэта наглядна дэманструе ўзровень нашага супрацоўніцтва ў галіне біржавога гандлю», – адзначыў Аляксандр Асмалоўскі.

Асобную ўвагу кіраўнік БУТБ надаў такому перспектыўнаму напрамку, як транзітныя здзелкі. На думку Аляксандра Асмалоўскага, выкарыстанне біржавой пляцоўкі як «трампліна» для выхаду на рынкі трэціх краін будзе спрыяць росту папулярнасці біржавога гандлю сярод прадстаўнікоў расійскага бізнесу.

«За 8 месяцаў 2021 г. сума транзітных здзелак, заключаных удзельнікамі таргоў з Расійскай Федэрацыі, склала 5,5 млн USD. У асноўным гэта былі пастаўкі прадукцыі дрэваапрацоўкі, нафтахіміі, будаўнічай галіны, а таксама абсталявання і механізмаў. Пры гэтым найбольш запатрабаванай у расійскіх кампаній была наша пляцоўка прамысловых і спажывецкіх тавараў, якая функцыянуе па прынцыпе электроннага маркетплэйса для B2B-сегмента. З яе дапамогай расійскія экспарцёры паспяхова рэалізуюць сваю прадукцыю ў Латвію, Літву, Польшчу і Эстонію», – паведаміў старшыня праўлення БУТБ.