Дамоўленасць аб арганізацыі паставак у Рэспубліку Беларусь кабельна-правадніковай прадукцыі, грузападымальнага абсталявання і цвёрдацельных рэле расійскай вытворчасці дасягнута 8 чэрвеня 2021 г. у выніках візіту на Беларускую універсальную таварную біржу (БУТБ) дэлегацыі дзелавых колаў Арлоўскай вобласці Расіі. У якасці кропкі ўваходу на беларускі рынак расійскія кампаніі плануюць выкарыстоўваць пляцоўку БУТБ.

Па словах кіраўніка расійскай бізнес-дэлегацыі – дырэктара Цэнтра падтрымкі экспарту Арлоўскай вобласці Інэсы Волкавай, Беларусь уваходзіць у тройку асноўных гандлёва-эканамічных партнёраў рэгіёну і ўмацаванне супрацоўніцтва з беларускімі прадпрыемствамі мае прыярытэтнае значэнне.

«Арлоўская вобласць традыцыйна лідзіруе па аб'ёмах несыравіннага экспарту сярод іншых суб'ектаў Цэнтральнай федэральнай акругі, а Рэспубліка Беларусь – адзін з ключавых рынкаў збыту нароўні з Латвіяй і Казахстанам. У 2020 г. прадпрыемствы рэгіёну паставілі ў Беларусь прадукцыю амаль на 41 млн USD. Спадзяемся, што дзякуючы біржавы пляцоўцы ў нашых кампаній з'явіцца дадатковы канал продажаў і магчымасць атрымаць прамы доступ да найбуйнейшых беларускіх спажыўцоў», – адзначыла Інэса Волкава.

У сваю чаргу намеснік старшыні праўлення БУТБ Аляксей Мацавіла выказаў зацікаўленасць біржы ў прыходзе на таргі новых кампаній з Арлоўскай вобласці, падкрэсліўшы, што для расійскага бізнэсу на біржавой пляцоўцы створаны ўсе неабходныя ўмовы.

«Для суб'ектаў гаспадарання Расійскай Федэрацыі ў нас дзейнічае спрошчаная працэдура акрэдытацыі, таму ад падачы дакументаў да першай здзелкі часам праходзіць ўсяго 2-3 дні. Пры гэтым самі таргі праводзяцца ў аддаленым рэжыме праз інтэрнэт, а дагаворы падпісваюцца электронным лічбавым подпісам. Асаблівую ўвагу мы ўдзяляем кантролі за выкананнем біржавых здзелак. З гэтай мэтай у нас ўкаранёны шэраг інструментаў, самы эфектыўны з якіх – праца праз рахункі біржы па схеме «пастаўка супраць плацяжу». У гэтым выпадку рызыкі абодвух бакоў здзелкі зводзяцца да нуля», – запэўніў прадстаўнік БУТБ.