Цікавасць да выкарыстання беларускай біржавой пляцоўкі для выхаду на рынкі краін блізкага і далёкага замежжа праявілі кіраўнікі шэрагу прадпрыемстваў Арэнбургскай вобласці Расіі падчас наведвання цэнтральнага офіса Беларускай універсальнай таварнай біржы (БУТБ) 23 верасня 2021 г.

Візіт арганізаваны па ініцыятыве Гандлёвага прадстаўніцтва Расійскай Федэрацыі ў Рэспубліцы Беларусь і Цэнтра падтрымкі экспарту Арэнбургскай вобласці. 

У прыватнасці, Паўднёва-Уральскі завод магніевых злучэнняў (найбуйнейшы ў Расіі вытворца 7-воднага сульфату магнію) разглядае магчымасць рэалізацыі праз БУТБ ўсёй лінейкі сваёй прадукцыі. Пры гэтым перспектыўным рынкам збыту можа стаць Украіна, якая ўваходзіць у пяцёрку краін з найбольшай колькасцю акрэдытаваных на біржы кампаній. 

У сувязі з гэтым першы намеснік старшыні праўлення БУТБ Андрэй Новікаў выказаў гатоўнасць аказаць Арэнбургскай прадпрыемству неабходнае садзейнічанне па рэалізацыі сульфату магнію ў трэція краіны, тым больш што біржа ўжо набыла значны вопыт такога ўзаемадзеяння з расійскімі кампаніямі.

«Ва Украіне ў нас ёсць амаль 350 акрэдытаваных удзельнікаў, у тым ліку шэраг вядучых сельгаспрадпрыемстваў краіны. Аднак, на мой погляд, не варта абмяжоўвацца толькі гэтым рынкам. З вялікай доляй верагоднасці мы зможам знайсці пакупнікоў для вашай прадукцыі і ў іншых краінах. Вопыт такой работы ў нас ужо ёсць. Да таго ж у плане заключэння транзітных здзелак расійскія кампаніі на сённяшні дзень адны з самых актыўных – за 8 месяцаў 2021 г. сума такіх транзакцый склала 5,5 млн USD», – адзначыў прадстаўнік БУТБ.