16 жніўня 2021 г. на Беларускай універсальнай таварнай біржы (БУТБ) адбудуцца першыя таргі паліўнымі грануламі (пялетамі) з лускі сланечніка на экспарт. Пакуль на продаж выстаўлена пробная партыя аб'ёмам 250 т. Дадзены лот плануецца рэалізаваць у рамках сумешчанай гандлёвай сесіі па паліўнай прадукцыі, дзе таксама прадстаўлены такія таварныя пазіцыі, як дранка і драўняныя адходы, тарфяныя брыкеты, драўняныя пелеты і дроўная драўніна.

«Для беларускага рынку паліўныя гранулы, або пялеты, што вырабляюцца з лускі сланечніка, пакуль што «экзатычны» тавар, у той час як у Заходняй Еўропе яны карыстаюцца попытам нароўні з больш распаўсюджанымі драўнянымі пялетамі. Па цеплатворнасці гранулы з лускі пераўзыходзяць драўняны аналаг, а таксама маюць больш нізкі сабекошт. Таргі новым таварам арганізуюцца па запыце кампаніі-вытворцы, якая выказала жаданне скарыстацца магчымасцямі біржавой пляцоўкі для рэалізацыі сваёй прадукцыі. Зразумела, мы пайшлі насустрач, паколькі на сённяшні дзень праз біржу паспяхова экспартуецца шырокая гама паліўнай прадукцыі, у тым ліку з аднаўляльнай сыравіны. У цэлым наменклатура біржавых тавараў пастаянна папаўняецца новымі пазіцыямі, прычым нярэдка па ініцыятыве прадаўцоў або пакупнікоў», – паведамілі ў прэс-службе БУТБ.

Даведачна

Паліўныя пялеты з лускі сланечніка – пабочны прадукт вытворчасці расліннага алею. Цеплыня згарання такіх пелет складае 4,3 - 4,5 кВт / кг. Гэта ў 1,5 разы больш, чым у драўніны, а попельнасць не перавышае 3%.