6 мая 2021 г., напярэдадні Дня Перамогі ў Вялікай Айчыннай вайне, прадстаўнікі ААТ «Беларуская універсальная таварная біржа» ўсклалі кветкі да бюста Маршала Савецкага Саюза, чатыры разы Героя Савецкага Саюза Георгія Канстанцінавіча Жукава, усталяванага ў скверы імя Г.К. Жукава на скрыжаванні вуліц Чыгуначнай і Кузьмы Мініна ў г. Мінску.

Старшыня праўлення біржы Аляксандр Асмалоўскі адзначыў важнасць Дня Перамогі для нашай краіны. Гэта заўсёды дзень вялікай памяці аб мужнасці, гераізме і самаахвярнасці бацькоў, дзядоў і прадзедаў, пра тых, хто цаной свайго жыцця адстаяў нашу свабоду. Гэта дзень радасці і гонару, бясконцай павагі да подзвігу тых, хто аднаўляў краіну ў пасляваенныя гады. Захаваць іх дасягненнi і зрабіць усё магчымае для ўмацавання міру на зямлі – доўг і абавязак кожнага з нас.

Беларуская універсальная таварная біржа віншуе ўсіх з надыходзячым Днём Перамогі і жадае поспехаў у добрых справах у імя гуманістычных каштоўнасцяў, дабрабыту і росквiту, захавання і прымнажэння гісторыка-культурнай і духоўнай спадчыны, якую для нас збераглі продкі, радавыя і героі той страшнай вайны.