У I квартале 2021 г беларускія сельгаспрадпрыемствы закупілі на Беларускай універсальнай таварнай біржы (БУТБ) ветэрынарныя прэпараты на агульную суму 6,9 млн BYN. Для параўнання за ўвесь мінулы год аб'ём біржавых здзелак з гэтай прадукцыяй склаў 8,9 млн BYN. Ключавым фактарам, якія забяспечыў рост продажаў ветпрэпаратаў праз БУТБ, стаў высокі ўзровень канкурэнцыі сярод пастаўшчыкоў, што паспрыяла прыходу на біржавую пляцоўку найбуйнейшых прадстаўнікоў аграрнага сектара.

«Зараз у таргах ветпрэпаратамі рэгулярна ўдзельнічаюць каля 50 прадаўцоў, што стварае вельмі спрыяльныя ўмовы для пакупнікоў. У ходзе канкурэнтнай барацьбы цэны па некаторых лотах зніжаюцца больш чым у 2 разы. Дзякуючы гэтаму толькі за I квартал айчынныя сельгаспрадпрыемствы зэканомілі на закупках звыш 330 тыс. BYN. Пры гэтым, напэўна, працуе эфект «сарафаннага радыё», паколькі за апошнія два месяцы на біржавую пляцоўку прыйшлі вядучыя птушкафабрыкі краіны, уключаючы такіх гігантаў, як Салігорская і Віцебская. Абодва прадпрыемствы ўжо актыўна здзяйсняюць здзелкі», – паведамілі ў прэс-службе БУТБ.

Біржавыя таргі ветэрынарнымі прэпаратамі праводзяцца на БУТБ з 14 мая 2020 г. Мэта праекта – прадаставіць беларускім прадпрыемствам аграпрамысловага комплексу эфектыўны механізм закупак запатрабаванай прадукцыі. Чакаецца, што з прыходам на таргі буйных кампаній ужо па выніках студзеня-красавіка аб'ёмы рэалізацыі ветпрэпаратаў будуць вышэй, чым за ўвесь мінулы год.