«Выкарыстанне біржавога механізму здольна надаць імпульс развіццю гандлёва-эканамічнаму супрацоўніцтву Рэспублікі Беларусь і Пскоўскай вобласці Расійскай Федэрацыі. Пры гэтым гаворка ідзе не толькі аб пастаўках прадукцыі пскоўскіх прадпрыемстваў на беларускі рынак, але і трэціх краін шляхам здзяйснення транзітных здзелак. Цяпер гэта адзін з самых запатрабаваных інструментаў у расійскіх удзельнікаў біржавых таргоў». 

Пра гэта заявіў начальнік упраўлення знешнеэканамічнай дзейнасці БУТБ Аляксандр Башлій у ходзе бізнес-форуму, які адбыўся на базе Гандлёва-прамысловай палаты Пскоўскай вобласці.

У мерапрыемстве ўзялі ўдзел прадпрыемствы аграрнага комплексу, дрэваапрацоўчай галіны, а таксама вядучыя вытворцы тавараў прамысловага і спажывецкага прызначэння. Па выніках бізнес-форуму дасягнуты дамоўленасці аб рэалізацыі на беларускай біржавой пляцоўцы шырокага спектру піламатэрыялаў, масланасення і прадуктаў яго перапрацоўкі, кармавых дабавак, электратэхнічнага абсталявання, БОПЭТ-плёнак і поліэстэру, якія вырабляюцца пскоўскімі кампаніямі. 

Акрамя гэтага, кіраўніцтва ГПП Пскоўскай вобласці выказала гатоўнасць садзейнічаць БУТБ ва ўсталяванні дзелавых кантактаў з рэгiянальнымi асацыяцыямі прадпрымальнікаў і бізнес-саюзамі для арганізацыі сумесных круглых сталоў, семінараў і прэзентацый у мэтах інфармавання прадстаўнікоў дзелавых колаў Пскоўскай вобласці аб магчымасцях і перавагах працы на беларускім рынку праз гандлёвую платформу БУТБ. 

«На жаль, з за аб'ектыўных прычын у мінулым годзе наш тавараабарот з Рэспублікай Беларусь прыкметна знізіўся. Таму зараз важна выкарыстоўваць любую магчымасць для актывізацыі гандлёвых адносін і аднаўлення аб'ёмаў узаемнага гандлю як мінімум да ўзроўню 2019 г. Лічу, што ўключэнне біржы ў ланцужок паставак будзе спрыяць дасягненню гэтай мэты», – адзначыў падчас перамоваў з дэлегацыяй БУТБ Прэзідэнт ГПП Пскоўскай вобласці Уладзімір Зубаў.