Беларуская універсальная таварная біржа (БУТБ) зацікаўлена ў прыходзе на біржавую пляцоўку ўкраінскіх дрэваапрацоўчых прадпрыемстваў. Гэта дазволіць задаволіць павышаны попыт на піламатэрыялы на ўнутраным рынку Рэспублікі Беларусь і будзе садзейнічаць зніжэнню цэн на дадзеную прадукцыю для айчынных спажыўцоў. У сваю чаргу ўкраінскія экспарцёры змогуць скарыстацца механізмам транзітных здзелак і пастаўляць лесаматэрыялы не толькі ў Беларусь, але і ў трэція краіны. Пра гэта заявіў першы намеснік старшыні праўлення БУТБ Андрэй Новікаў падчас 2-га Усеўкраінскага лесапрамысловага форуму, які адбыўся ў рамках 23-й Міжнароднай спецыялізаванай выставы дрэваапрацоўчай і мэблевай прамысловасці «Дрэваапрацоўка 2021», якая праходзіла ў Львове 18-21 мая 2021 г.

«Апроч прамога доступу да найбуйнейшых беларускіх спажыўцоў пілапрадукцыі, мы гатовыя прапанаваць украінскім кампаніям выхад на значна больш ёмістыя рынкі Еўрасаюза, Кітая і Егіпта. У нас ужо напрацавана шырокая база патэнцыйных пакупнікоў, зацікаўленых у набыцці значных аб'ёмаў піламатэрыялаў на рэгулярнай аснове. Дадзенай магчымасцю ўжо актыўна карыстаюцца дрэваапрацоўчыя прадпрыемствы з Расійскай Федэрацыі, пастаўляючы сваю прадукцыю ў краіны Прыбалтыкі. У выніку доля транзітных здзелак у біржавым тавараабароце стабільна расце», – адзначыў прадстаўнік БУТБ.

Усеўкраінскі лесапрамысловай форум – найбуйнейшае мерапрыемства ў сферы дрэваапрацоўкі, якое аб'ядноўвае вядучых вытворцаў і спажыўцоў лесапрадукцыі з розных рэгіёнаў Украіны. У гэтым годзе ўдзел у форуме прынялі каля 100 кампаній дрэваапрацоўчай і мэблевай прамысловасці.