21 кастрычніка 2021 г. на электроннай пляцоўцы Беларускай універсальнай таварнай біржы (БУТБ) адбудуцца таргі перадінвестыцыйнымі актывамі для будаўніцтва і эксплуатацыі ветраэнергетычных установак сумарнай магутнасцю 35,7 МВт і гадавой вытворчасцю электраэнергіі звыш 101 ГВт*г. Агульны стартавы кошт выстаўленых на продаж лотаў складае 423 435 BYN. У прыватнасці, два перадінвестыцыйныя актывы па пачатковай цане 107 033,1 BYN кожны прапаноўваюцца ў Сенненскім і Гарадоцкім раёнах Віцебскай вобласці. Перадінвестыцыйны актыў – гэта юрыдычная асоба, якая мае права на будаўніцтва і далейшую эксплуатацыю ветрапарку на выдзеленым зямельным участку. У склад лота таксама ўваходзіць пакет юрыдычных дакументаў, які ўключае ўсе неабходныя дазволы, праектную дакументацыю і бізнес-план. Напрыклад, патэнцыйны пакупнік перадінвестыцыйнага актыву ў Сенненскім раёне (бліз в. Вейна) стане ўладальнікам 100%-ай долі ў статутным фондзе ТАА «ВЭС Вейна» і зможа пабудаваць 3 ветраэнергетычныя ўстаноўкі сумарнай магутнасцю 9,9 МВт і гадавой вытворчасцю электраэнергіі больш за 31 ГВт*г.

Яшчэ два перадінвестыцыйныя актывы коштам 99 052,1 BYN і 110 317,4 BYN прадаюцца ў Смаргонскім і Навагрудскім раёнах Гродзенскай вобласці. На кожным з участкаў пераможца таргоў зможа ўзвесці па 3 ветраэнергетычныя ўстаноўкі. У першым выпадку іх сумарная магутнасць складзе 6 МВт пры гадавой вытворчасці электраэнергіі 19 ГВт*г, а ў другім – 9,9 МВт пры гадавой вытворчасці 25 ГВт*г.

 

Як адзначыў Яўген Харэўка, дырэктар ТАА «Ініцыятыва развіцця ветраэнергетыкі», якое выступае арганізатарам таргоў, выкарыстанне пляцоўкі БУТБ як інструмента для пошуку і конкурснага адбору інвестараў абумоўлена папярэднім паспяховым вопытам ўзаемадзеяння з біржай.

«У 2019 г. у рамках праекта міжнароднай тэхнічнай дапамогі «Ліквідацыя бар'ераў для развіцця ветраэнергетыкі ў Рэспубліцы Беларусь» на электроннай пляцоўцы БУТБ ўжо праводзіліся электронныя таргі па продажы перадінвестыцыйнага актыву для будаўніцтва ветраэлектрастанцый з агульнай вызначанай магутнасцю 25 МВт і гадавой вытворчасцю электрычнасці 72 ГВт. Тады ў таргах перамагла турэцкая кампанія, якая спецыялізуецца на рэалізацыі праектаў у сферы «зялёнай» энергетыкі, а кошт продажу актыву склаў 155 400 BYN. Інструмент, прадастаўлены біржай, цалкам адпавядае ўсім нашым патрабаванням у частцы ўзроўню канкурэнцыі сярод патэнцыйных інвестараў і празрыстасці правядзення самой працэдуры продажу. Таму разлічваем, што на гэты раз таргі пройдуць не менш паспяхова», – падкрэсліў кіраўнік ТАА« Ініцыятыва развіцця ветраэнергетыкі».

Прыняць удзел у электронных таргах могуць беларускія і замежныя юрыдычныя і фізічныя асобы, а таксама індывідуальныя прадпрымальнікі. Заяўкі прымаюцца да 15 кастрычніка 2021 г.