Дамоўленасць аб актывізацыі супрацоўніцтва па развіцці ўзаемнага гандлю Беларусі і Кітая дасягнута па выніках афіцыйнага візіту на Беларускую універсальную таварную біржу (БУТБ) Надзвычайнага і Паўнамоцнага Пасла Кітайскай Народнай Рэспублікі ў Рэспубліцы г-на Се Сяоюна 14 красавіка 2021 г. 

У ходзе перагавораў абмеркаваны асноўныя вынікі працы кітайскіх кампаній на біржавой пляцоўцы ў I квартале бягучага года, магчымасці для далейшага павелічэння біржавога тавараабароту Беларусі і Кітая, а таксама перспектыўныя кірункі ўзаемадзеяння БУТБ з Пасольствам КНР.

«Перш за ўсё неабходна пашыраць асартымент беларускіх тавараў, якія пастаўляюцца ў Кітай праз біржу. Цяпер гэта ў асноўным піламатэрыялы. На мой погляд, новай кропкай росту можа стаць сельгаспрадукцыя і ў першую чаргу прадукты харчавання. Кітай зацікаўлены ў імпарце высакаякасных прадуктаў харчавання з Беларусі, і, калі кітайскія спажыўцы змогуць дзякуючы біржавых таргоў купляць мяса-малочную прадукцыю непасрэдна ў беларускіх вытворцаў, гэта дазволіць істотна павялічыць аб'ёмы гандлю паміж нашымі краінамі. Я ў гэтым не сумняваюся», – падкрэсліў г-н Се Сяоюн.

Акрамя таго, кіраўнік Пасольства КНР прапанаваў больш актыўна выкарыстоўваць імпартна-экспартныя платформы, якія дзейнічаюць у Кітаі, для прыцягнення на біржавыя таргі кітайскіх кампаній, а таксама параіў наладзіць кантакт з кітайскімі таварнымі біржамі, якія спецыялізуюцца на гандлі прадукцыяй аграпрамысловага сектара.

«Мне здаецца, такое ўзаемадзеянне надасць імпульс развиццю беларуска-кітайскага біржавога гандлі і выведзе яго на прынцыпова новы ўзровень», – лічыць кітайскі дыпламат.

Са свайго боку старшыня праўлення БУТБ Аляксандр Асмалоўскі падзякаваў г-на Се Сяоюна за выказаныя прапановы і паабяцаў у бліжэйшы час заняцца іх прапрацоўкай. 

«Як я ўжо не раз казаў, развіццё гандлю з Кітаем – адна з прыярытэтных задач біржы ў бягучым годзе. І гэта не пустыя словы. Толькі за I квартал сума здзелак, заключаных кітайскімі кампаніямі, перавысіла 7,3 млн USD, пры тым што за ўвесь мінулы год гэты паказчык склаў 13,4 млн USD. Разлічваем, што аналагічная дынаміка захаваецца на працягу ўсяго года. Тым больш што ў апошні час мы назіраем асабліва высокую актыўнасць кітайскіх удзельнікаў таргоў. Напрыклад, на сённяшняй адмысловай гандлёвай сесіі на рынак Кітая рэалізавана 3,6 тыс. куб. м піламатэрыялаў амаль на 1 млн USD. Гэта рэкордны аб'ём. Пакупніком выступіў нядаўна акрэдытаваны ў нас новы біржавы брокер з КНР», – заявіў Аляксандр Асмалоўскі.