Па выніках першага паўгоддзя на таргах Беларускай універсальнай таварнай біржы (БУТБ) для задавальнення патрэбаў унутранага рынку рэалізавана 13 тыс. т мясной сыравіны і паўфабрыкатаў на агульную суму 72,2 млн BYN. У параўнанні з аналагічным перыядам мінулага года продажы выраслі ў 5,7 разы ў натуральным выражэнні і ў 6 разоў – у вартасным. Больш за палову ад агульнага аб'ёму закупак забяспечылі мясаперапрацоўчыя прадпрыемствы Брэсцкай і Гродзенскай абласцей. Пры гэтым падвышаная актыўнасць на таргах была характэрная як для буйных дзяржаўных мясакамбінатаў, так і для невялікіх прыватных гульцоў.

«Лідэрства Брэсцкай і Гродзенскай абласцей у закупках мясной прадукцыі на біржавой пляцоўцы абумоўлена высокай канцэнтрацыяй мясаперапрацоўчых прадпрыемстваў у гэтых рэгіёнах. Такія гранды, як Брэсцкі мясакамбінат, Гродзенскі мясакамбінат, Слонімскі мясакамбінат, Пінскі мясакамбінат, Ваўкавыскі мясакамбінат, а таксама цэлы шэраг прадпрыемстваў прыватнай формы ўласнасці актыўна ўдзельнічаюць у таргах, набываючы неабходную ім сыравіну для вытворчасці каўбасных вырабаў, вэнджаніны, фаршу і іншай прадукцыі, запатрабаванай на беларускім рынку і за мяжой. Прычым здзелкі заключаюцца як з вытворцамі з Рэспублікі Беларусь, так і замежнымі пастаўшчыкамі з Вялікабрытаніі, Грузіі, Латвіі, Літвы і Польшчы. Айчынных мясаперапрацоўшчыкаў на біржавых таргах прыцягвае, перш за ўсё, высокі ўзровень канкурэнцыі, што дазваляе ім эканоміць на закупках імпартнай сыравіны, зніжаючы сабекошт гатовай прадукцыі», – пракаментавалі ў прэс-службе БУТБ.