«ОршаСырЗавод» – адзін з вядучых вытворцаў плаўленых сыроў і марожанага ў Беларусі – мае намер экспартаваць сваю прадукцыю праз электронную B2B-пляцоўку Беларускай універсальнай таварнай біржы (БУТБ). Першыя заяўкі на продаж пламбіру агульным аб'ёмам каля 4 т ужо размешчаны ў біржавой гандлёвай сістэме. Раней марозіва на БУТБ ніколі не прадавалася.

Як растлумачылі прадстаўнікі аршанскага прадпрыемства, рашэнне аб выкарыстанні B2B-пляцоўкі БУТБ для рэалізацыі марожанага, а ў перспектыве і ўсяго асартыменту прадукцыі, выпускаемай «ОршаСырЗавод», абумоўлена магчымасцю з мінімальнымі рызыкамі атрымаць доступ на замежныя рынкі, а таксама комплекснай маркетынгавай падтрымкай з боку біржы.

«Як і многія іншыя малакаперапрацоўчыя прадпрыемствы Рэспублікі Беларусь, мы актыўна прасоўваем сваю прадукцыю на знешнія рынкі. Пакуль асноўным рынкам збыту для нас з'яўляецца Расійская Федэрацыя, але мы, безумоўна, зацікаўлены ў пашырэнні геаграфіі продажаў. Дарэчы, менавіта магчымасць дыверсіфікацыі экспарту і падштурхнула нас да рашэння скарыстацца біржавым механізмам. Паколькі для нашага прадпрыемства гэта свайго роду эксперымент, на пачатковым этапе мы будзем выстаўляць на таргі толькі марозіва. На сённяшні дзень мы ўжо размясцілі заяўкі на продаж пламбіру. Разлічваем на гэтай невялікай партыі пратэставаць новы для нас інструмент і з яго дапамогай знайсці пакупнікоў у Расіі. У далейшым, вядома ж, плануем рэалізоўваць на біржавых таргах і нашу самую хадавую пазіцыю – плаўленыя сыры», – адзначылі прадстаўнікі «ОршаСырЗавод».

Даведачна
Даччынае вытворчае ўнітарнае прадпрыемства «ОршаСырЗавод» уваходзіць у склад ДА «Віцебскі канцэрн «Мяса-малочныя прадукты» Віцебскай вобласці. Прадпрыемства спецыялізуецца на вытворчасці і рэалізацыі шырокага асартыменту плаўленых сыроў (звыш 40 найменняў) і марозіва (звыш 50 найменняў).