За 8 месяцаў 2020 г. на Беларускай універсальнай таварнай біржы (БУТБ) здзейснена звыш 9 тыс. здзелак па закупцы кабельна- правадніковай прадукцыі на агульную суму 56 млн BYN, што на 20% больш, чым у студзені-жніўні 2019 г. У выніку доля кабельна- правадніковых вырабаў у структуры біржавых продажаў металапрадукцыі дасягнула 7% супраць 5% у мінулым годзе. Пры гэтым самай запатрабаванай пазіцыяй быў сілавы кабель, на які прыйшлося больш за палову ад агульнага аб'ёму рэалізацыі. У тройку найбуйнейшых пакупнікоў увайшлі ААТ «Беларуськалій», РУП «Белтэлекам» і ААТ «Белэлектрамантажналадка».

«Кабельна-правадніковая прадукцыя традыцыйна карыстаецца попытам у прадпрыемстваў энергетычнага комплексу і будаўнічых арганізацый. Напрыклад, падчас актыўнай фазы будаўніцтва Беларускай АЭС практычна ўвесь неабходны аб'ём сілавога кабеля закупляўся праз біржавую пляцоўку. Таксама ў апошні час у сувязі з пракладкай трэцяй лініі мінскага метро ў біржавых таргах актыўна ўдзельнічаў Мінскметрабуд», – паведаміў начальнік упраўлення навіны | БУТБ Яўген Бурэйка.

Ён таксама адзначыў істотны эканамічны эфект, атрыманы айчыннымі пакупнікамі кабельна-правадніковай прадукцыі.

«У кожнай гандлёвай сесіі адначасова ўдзельнічаюць тысячы заявак на продаж, таму заўсёды ёсць магчымасць выбраць самую выгадную прапанову. Па нашых падліках, з пачатку года дзякуючы канкурэнтнаму механізму біржавых таргоў пакупнікі кабельнай прадукцыі зэканомілі амаль 4,5 мільёна рублёў» – праінфармаваў прадстаўнік БУТБ.