За 9 месяцаў 2020 г. прадпрыемства прамысловага сектара закупілі на таргах Беларускай універсальнай таварнай біржы (БУТБ) больш 311 тыс. т чорнага металапракату на агульную суму 762 млн BYN. У параўнанні з аналагічным перыядам мінулага года аб'ёмы рэалізацыі павялічыліся на 3% як у натуральным, так і ў вартасным выразе. У структуры продажаў пераважалі здзелкі па закупцы сталёвых труб, ліставога пракату і арматуры. На іх прыйшлося каля 65% ад усяго аб'ёму рэалізацыі чармета праз БУТБ.

Для многіх буйных прамысловых прадпрыемстваў рэспублікі біржавая пляцоўка ўжо стала звыклым інструментам для закупкі металу. Наменклатура досыць шырокая: ад метызаў і сталёвых пруткоў да трубаправодаў і маставых канструкцый. Пры гэтым, зыходзячы з патрэб пакупнікоў, рэгулярна ўводзяцца новыя таварныя пазіцыі. Цяпер іх ужо некалькі тысяч», – паведаміў начальнік упраўлення таргоў металапрадукцыяй БУТБ Яўген Бурэйка.

Прадстаўнік БУТБ таксама падкрэсліў, што, нягледзячы на рост кошту металапракату ў Расійскай Федэрацыі, адкуль пераважна імпартуецца гэтая прадукцыя, выдаткі беларускіх удзельнікаў біржавых таргоў на закупку сыравіны практычна не змяніліся.

«Уся сутнасць біржавых таргоў у канкурэнцыі, а па такой папулярнай групе тавараў, як металапрадукцыя, яна асабліва высокая. Нярэдка на адну заяўку на куплю прэтэндуюць адразу 10-15 пастаўшчыкоў. Па нашых падліках, дзякуючы біржавым механізму за 9 месяцаў айчынныя прадпрыемствы зэканомілі каля 135 млн BYN. Гэта амаль на траціну больш, чым за той жа перыяд мінулага года», – адзначыў Яўген Бурэйка.