За першае паўгоддзе 2020 г. на таргах Беларускай універсальнай таварнай біржы (БУТБ) рэалізавана 210 тыс. т чорных металаў і вырабаў з іх на агульную суму 512 млн BYN. Такім чынам, дадзеная група тавараў стала самай запатрабаванай ва ўдзельнікаў таргоў, забяспечыўшы 23% тавараабароту БУТБ у студзені-чэрвені. Пры гэтым у параўнанні з аналагічным перыядам мінулага года аб'ёмы продажу выраслі на 3% у натуральным выражэнні і на 2% у вартасным.

Як патлумачыў начальнік упраўлення таргоў металапрадукцыяй Яўген Бурэйка, дасягнуць больш высокіх паказчыкаў перашкодзіла пандэмія каронавіруса і выкліканае ёй запаволенне дзелавой актыўнасці ў асноўных краінах-пастаўшчыках металу – Расіі і Украіне.

«Беларусь – маталазалежная краіна. Штогод наш прамысловы сектар спажывае каля 2 мільёнаў тон прадукцыі чорнай металургіі, якая імпартуецца пераважна з Расійскай Федэрацыі і часткова з Украіны. На фоне жорсткіх каранцінных мер, уведзеных у гэтых краінах, попыт на метал істотна знізіўся. Адпаведна, і каціроўкі на біржавым рынку таксама пайшлі ўніз. Паколькі расійская эканоміка толькі пачынае аднаўляцца пасля локдауна, а ва Ўкраіне гэты працэс яшчэ нават не пачаўся, аб ўзыходзячым трэндзе гаварыць пакуль што рана. Улічваючы сітуацыю на знешніх рынках, нейкіх сур'ёзных змяненняў у цэнавай дынаміцы раней за пачатак наступнага года, я думаю, чакаць не варта», – лічыць прадстаўнік БУТБ.

У цэлым з пачатку года на БУТБ здзейснена больш за 130 тыс. здзелак з металапрадукцыяй на суму 642 млн BYN. У тройку тавараў-бэстсэлераў ўвайшлі чорныя металы і вырабы з іх, электратэхнічная прадукцыя, а таксама лом i адходы чорных і каляровых металаў.