1 ліпеня 2020 г. у будынку Беларускай універсальнай таварнай біржы (БУТБ), які адкрыўся пасля рамонту, пачала працу так званая «біржавая яма» – спецыяльнае месца, дзе праводзяцца біржавыя таргі. Там жа размясціліся электронныя тэрміналы біржавых маклераў – супрацоўнікаў БУТБ, упаўнаважаных сачыць за ходам таргоў, рэгуляваць іх працягласць і кантраляваць выкананне правіл біржавога гандлю ўдзельнікамі.

Як адзначыў падчас урачыстай цырымоніі старшыня праўлення БУТБ Аляксандр Асмалоўскі, «біржавая яма» – гэта не проста працоўнае месца біржавых маклераў, а знак адкрытасці, галоснасці і празрыстасці біржавых таргоў.

«Біржавыя яму можна лічыць матэрыяльным увасабленнем курсу на кліентаарынтаванасць, які мы вызначылі ў якасці прыярытэтнага напрамку развіцця біржы. І калі раней біржавыя таргі праводзіліся ў асобных кабінетах за зачыненымі дзвярыма, то сёння любы наведвальнік біржы можа паназіраць, як праходзяць таргі, як здзяйсняюцца здзелкі і наколькі прафесійна маклеры выконваюць свае абавязкі. Упэўнены, што кліенты біржы ацэняць гэты крок з нашага боку, а ўзровень даверу да біржавой пляцоўцы як інструменту гандлю істотна ўзрасце», – лічыць кіраўнік БУТБ.

Першымі ў «біржавую яму» спусціліся біржавыя маклеры, якія курыруюць правядзенне таргоў па секцыях лесапрадукцыі, металапрадукцыі, сельгаспрадукцыі і перспектыўных тавараў.

Перад пачаткам першых біржавых таргоў у «біржавы яме» кожнаму з маклераў быў ўручаны нагрудны знак і імянныя гадзіннікі, якія падкрэсліваюць высокі статус і ключавую ролю гэтых супрацоўнікаў у дзейнасці БУТБ.