Адна з вядучых дрэваапрацоўчых кампаній Эстоніі Barrus AS плануе набываць лесапрадукцыю на Беларускай універсальнай таварнай біржы (БУТБ). Адпаведная дамоўленасць дасягнута 15 кастрычніка 2020 г. у выніках сустрэчы топ-мэнэджараў Barrus AS з кіраўніцтвам БУТБ. Па словах генеральнага дырэктара Barrus AS г-на Марці Корка, рашэнне аб выхадзе на беларускі рынак прадыктавана, перш за ўсё, эканамічнымі меркаваннямі.

«Любы бізнэс імкнецца да максімізацыі прыбытку і мінімізацыі выдаткаў, і наша кампанія – не выключэнне. Да гэтага часу ўсе драўняную сыравіну і піламатэрыялы мы закуплялі ў краінах-суседзях: Латвіі, Расіі, Фінляндыі, Швецыі. Пры гэтым часам гэта быў беларускі лес, але завезены ў Эстонію праз пасярэднікаў. Таму мы разглядаем біржу як магчымасць напрамую працаваць з беларускімі вытворцамі», – заявіў эстонскі бізнэсмэн.

Са свайго боку старшыня праўлення БУТБ Аляксандр Асмалоўскі выказаў гатоўнасць аказаць Barrus AS садзейнічанне ў пошуку дзелавых партнёраў, а таксама прадаставіць неабходную інфармацыю для паспяховай працы ў Беларусі.

«Ад вас патрабуецца толькі акрэдытавацца на біржы і размясціць у гандлёвай сістэме заяўку на куплю, а мы дапаможам знайсці надзейных пастаўшчыкоў. З намі супрацоўнічаюць усе лясгасы краіны, а таксама прыватныя лесапільні, таму ваша заяўка будзе ў любым выпадку задаволена», – падкрэсліў кіраўнік БУТБ.

Акрамя ўдзелу ў біржавых таргах, Barrus AS таксама разглядае магчымасць інвеставання ў дрэваапрацоўчую галіну Рэспублікі Беларусь.

«Мы зацікаўлены ў стварэнні тут высокатэхналагічнага дрэваапрацоўчага прадпрыемства, якое б выпускала арыентаваную на экспарт прадукцыю. Праўда, мы пакуль яшчэ не вырашылі, будзе гэта грынфілд-праект ці сумесная беларуска-эстонская кампанія. У любым выпадку для нас гэта вельмі перспектыўны напрамак», – адзначыў Марці Корк.