«Сёння сусветная эканоміка перажывае не лепшыя часы: назіраецца беспрэцэдэнтнае зніжэнне дзелавой актыўнасці, а локдаун ў многіх краінах свету перашкаджае развіццю міжнароднага гандлю. У гэтых умовах асабліва актуальнымі становяцца прылады і сэрвісы, якія дазваляюць, не парушаючы рэжыму самаізаляцыі, ажыццяўляць трансмежную гандлёва-закупачную дзейнасць. Адным з такіх інструментаў, які на практыцы даказаў сваю эфектыўнасць, з'яўляецца Беларуская універсальная таварная біржа», – заявіў начальнік аддзела міжнародных адносін і камунікацый ААТ «Беларуская універсальная таварная біржа» (БУТБ) Аляксандр Башлій падчас анлайн-сустрэчы «Украіна - Беларусь: эканамічнае супрацоўніцтва падчас глабальных выклікаў», арганізаванай Беларускай гандлёва-прамысловай палатай і Гандлёва-прамысловай палатай Украіны 27 мая 2020 г.

Выступаючы перад удзельнікамі мерапрыемства, прадстаўнік БУТБ таксама паведаміў, што ў біржы маецца значны вопыт арганізацыі біржавых таргоў з удзелам беларускіх і ўкраінскіх суб'ектаў гаспадарання.

«На сённяшні дзень у нас акрэдытаваны 268 украінскіх кампаній, якія рэгулярна рэалізуюць на нашай пляцоўцы соевы шрот, пшаніцу і ячмень, а таксама закупляюць беларускія будматэрыялы. Акрамя таго, з 28 мая мы запускаем спецыяльныя штотыднёвыя экспартныя таргі арматурным пракатам вытворчасці БМЗ на рынак Украіны. Упэўнены, што гэта прадукцыя будзе запатрабавана ва ўкраінскіх спажыўцоў», – лічыць Аляксандр Башлій.

Сярод асноўных пераваг біржавой пляцоўкі эксперт БУТБ адзначыў электронны дакументаабарот з прымяненнем электроннага лічбавага подпіса, магчымасць ўдзелу ў таргах праз Інтэрнэт, адсутнасць неабходнасці пошуку контрагентаў і кантроль выканання біржавых здзелак.

«Мы адкрытыя для супрацоўніцтва з украінскім бізнесам і гатовыя вывесці на таргі практычна любую таварную пазіцыю, цікавую ўкраінскаму боку. У нас акрэдытаваны ўсе найбуйнейшыя беларускія вытворчыя прадпрыемствы, таму мець справу з пасярэднікамі не прыйдзецца», – падкрэсліў прадстаўнік БУТБ.