Шматгадовы вопыт паспяховай работы на міжнародным рынку электроннай камерцыі дазволіў сфарміраваць унікальныя прафесійныя кампетэнцыі калектыву ААТ «Беларуская ўніверсальная таварная біржа» і базу ведаў аб біржавым гандлі таварамі, закупках за кошт уласных сродкаў, дзяржаўных закупках.

Цэнтр біржавой адукацыі ААТ «Беларуская ўніверсальная таварная біржа» створаны ў 2023 годзе і вядзе падрыхтоўку па адукацыйных праграмах павышэння кваліфікацыі кіруючых работнікаў і спецыялістаў, а таксама навучальных курсаў (семінары, вэбінары) у вочнай і дыстанцыйнай форме.

Навучанне ў Цэнтры біржавой адукацыі накіравана на павышэнне фінансавай пісьменнасці ўдзельнікаў біржавога таварнага рынку, набыццё імі практычных навыкаў заключэння біржавых здзелак па закупцы тавараў і збыце гатовай прадукцыі. Інтэрактыўнае навучанне практычнай рабоце на біржавых таргах фарміруе глыбокія веды біржавога гандлю таварамі ў навучэнцаў Цэнтра біржавой адукацыі.